Չինական ChinaAid բողոքական պորտալը մի փաստաթուղթ է հրապարակել, որում քոլեջներում, համալսարաններում և ուսանողների շրջանում միսիոներական միջոցառումները ցրելու մանրամասն հրահանգներ կան: Նա այս առաջադրանքը համարել է ռազմավարական առումով կարևոր:
«Օտարերկրյա կրոնների բուհեր ներթափանցելուն որակյալ հակազդեցության և մասնաճյուղերի ավետարանականացման կանխարգելման ցուցումներ» կոչվող փաստաթուղթը կազմվել է կրթության, հասարակակաան անվտանգության, պետական անվտանգության և արտաքին գործերի նախարարությունների, կրոնի հարցերով պետական վարչության և այլ կառույցների հետ համագործակցությամբ և հաստատվել է 2011-ի մայիսի 15-ին:
Դեկրետի տեքստը նախկինում երբեք չի հրապարակվել:
Փաստաթղթի իսկությունը հաստատել է չինագետ Էնդրյու Նաթանը:
«Չինաստանի արագ տնտեսական և սոցիալական զարգացման պայմաններում օտարերկրայա թշնամական ուժերը ջանում են կրոններն օգտագործել Չինաստան ներթափանցելու համար, որպեսզի Չինաստանը բաժանելու քաղաքական դավադրությունն իրագործեն»,- ասված է փաստաթղթում:
«Օտարերկրյա ուժերը բուհը դիտարկում են որպես հիմնական թիրախ կրոնը, մասնավորապես՝ քրիստոնեությունն օգտագործելու համար, որի նպատակը կրոնական ազդեցության մեծացումն ու մեր երիտասարդների վերադաստիրակությունն է»,- պնդում է դեկրետը:
Նրանք ուսումնական հաստատություններին կոչ են անում ուսանողներին կրոնական հարցերում ճիշտ դաստիարակել և ուղղորդել և արդյունավետորեն արգելափակել միսիոներների ներթափանցումը բուհեր, հայտնում է Седмица.ru պորտալը:
