Իտալիայի նախագահ Ջորջիո Նապոլիտանոն, ով վերջերս ընդունել էր վարչապետ Մարիո Մոնտիի հրաժարականը, այսօր խորհրդակցություն անցկացնում քաղաքական կուսակցությունների խորհրդարանական խմբերի ղեկավարների հետ, որոնք ներկայացված են պատգամավորների պալատում և երկրի Սենատում՝ հաղորդում է երկրի ղեկավարի ներկայացուցչությունը:
Հանդիպումը սկսվել է տեղական ժամանակով 10.00-ին (երևանյան ժամանակով 13.00-ին): Առաջինը հանդիպմանը ներկայացել են «Ազատության ժողովուրդ» կուսակցության ներկայացուցիչները:
Ինչպես նշում է La Repubblica թերթը՝ խորհրդակցության ավարտից հետո Իտալիայի նախագահը դեկրետ կստորագրի խորհրդարանը արձակելու մասին: Բացի այդ, սպասվում է, որ օրվա երկրորդ կեսին երկրի ղեկավարը հանդես կգա հատուկ հայտարարությամբ:
Անցած տարվա նոյեմբերից վարչապետի պաշտոնը զբաղեցրած Մոտին ուրբաթ երեկոյան հրաժարական է տվել այն բանից հետո, երբ իտալական խորհրդարանը կարևոր ֆինանսական փաստաթուղթ ընդունեց, այսպես կոչված` Կայունության մասին օրենքը:
Իր պաշտոնը լքելու որոշման մասին նա հայտարարել է դեկտեմբերի 8-ին, այն բանից ընդամենը մի քանի օր հետո, երբ խորհրդարանի ներկայացուցիչները հրաժարվեցին քվեարկել վարչապետի կաբինետի վստահությանը վերաբերող հարցը` այդկերպ ցույց տալով, որ այլևս պատրաստ չեն աջակցել ներկայիս կառավարությանը:
