Սեպտեմբերի սկզբից լուրեր են պտտվում այն մասին, թե Ռոբերտ Պատինսոնը հանդիպում է բրիտանացի երգչուհի Թալիա Բարնեթի հետ: Դատելով վերջին լուսանկարներից, զույգն իրոք հանդիպում է: Սակայն, համացանցում նոր լուսանկարների հայտնվելու հետ մեկտեղ, դերասանի երկրպագուհիները Բարնեթի մասին ոչ հաճելի արտահայտություններ են արել, գրում է Spletnik.ru-ն:
Twitter-ի օգտատերերը հետևյալ կերպ են արտահայտվել. «Դու կապիկի ես նման, չեմ հավատում, որ Ռոբերտը համբուրած լինի քեզ», կամ «Անհավանական է, որ Ռոբերտը աստվածային Քրիստենին այս կապիկի հետ փոխած լինի»:
Հայտնի է, որ Թալիան ծնվել է Գլոսթերշիրում: Նրա հայրը Յամայկայից է, իսկ մայրը անգլո-իսպանական արմատներ ունի: Ակնհայտ ռասիստական արտահայտություններին Թալիան հետևյալ կերպ է պատասխանել. «Անցած շաբաթ իմ «պատին» հայտնված ռասիստական արտահայտությունները ինձ մոտ ցնցում և զզվանք են առաջացրել: Ռասիսզմն անընդունելի է ինչպես ժամանակակից իրականության մեջ, այնպես էլ համացանցում»:
Սակայն, մարդկանց կողմից նման վերաբերմունքը երգչուհին չի կարողանում հանգիստ ընդունել:
«Մարդիկ շատ տհաճ բաներ են խոսում իմ արտաքին տեսքի մասին, սակայն դա ինձանից կախված չէ: Սակայն դա նորմալ է: Կյանք հեշտ չէ: Շրջապատի մարդիկ իմ արտաքինը ծիծաղելի և տգեղ են համարում»:
Սակայն Ռոբերտն այդպես չի համարում: Օրերս նա նույնիսկ հայտարարել է Մեծ Բրիտանիա վերադառնալու իր մտադրության մասին:
«Լոս Անջելեսում անընդհատ կարծես արձակուրդում լինես: Այստեղ մթնոլորտը չի տրամադրում, որպեսզի հավաքվես և ինչ որ լուրջ բանով զբաղվես: Ես այստեղ եկա, երբ 22 տարեկան էի: Եվ այնիպիսի զգացողություն ունեմ, կարծես 22 տարեկանից սկսած իմ կյանքում միայն արձակուրդներ են»:
Նշենք, որ Թալիան նույնպես ապրում և աշխատում է Լոնդոնում:
