News Georgia-ի փոխանցմամբ՝ Վրաստանի խորհրդարանը երեկվա իր լիագումար նիստում 80 ձայներով միաբերան հաստատել է 2013 թվականի պետբյուջեի նախագիծը: Խորհրդարանական փոքրամասնության ներկայացուցիչները դրանից մեկ օր առաջ հայտարարել էին խորհրդարանի աշխատանքները բոյկոտելու մասին՝ որպես բողոքի նշան երկրում ընթացող իրադարձությունների դեմ:
Հաստատված օրինագծի համաձայն՝ 2013 թվականի պետբյուջեն պետք է կազմի 8 միլիարդ 425.5 միլիոն լարի (5 միլիարդ 75.6 միլիոն դոլար): Դրանից բյուջետային ծախսերը կազմում են 7 միլիարդ 648 միլիոն լարին (4 միլիարդ 607.3 միլիոն դոլար), դոնորների կողմից ֆինանսավորումը կազմում է 777.5 միլիոն լարի (468.4 միլիոն դոլար):
Պլանավորված է, որ 2013 թվականի պետբյուջեի եկամուտները կազմելու են 7 միլիարդ 422.5 միլիոն լարի (4 միլիարդ 471.3 միլիոն դոլար): Դրանից 6 միլիարդ 920 միլիոն լարին (4 միլիարդ 168.7 միլիոն դոլարը) բաժին է ընկնելու հարկային եկամուտներին, 202.5 միլիոն լարին (122 միլիոն դոլարը)՝ դրամաշնորհներին, 300 միլիոն լարին (180.7 միլիոն դոլարը)՝ այլ եկամուտներին:
Պետբյուջեի ծախսերը 2013 թվականին կազմելու են 7 միլիարդ 255.4 միլիոն լարի (4 միլիարդ 370.7 միլիոն դոլար):
Կանխատեսվում է, որ հաջորդ տարի Վրաստանի ՀՆԱ-ն կաճի 7 տոկոսով:
