Twitter–ի գլխավոր տնօրեն Դիք Քոստոլոն այսօր հայտարարել է ընկերությունում մի շարք նոր կադրային նշանակումների մասին:
Համաձայն CEO Twitter բլոգում տեղակայված հաղորդագրության՝ Ալի Ռովգանին ընկերությունում ֆինանսական տնօրենի պաշտոնից տեղափոխվել է գործադիր տնօրենի պաշտոնի: Նախորդ պաշտոնը նա զբաղեցնում էր 2010-ից, իսկ մինչ Twitter–ը նա աշխատել է Pixar Animation Studios-ում՝ որպես ֆինանսական տնօրեն:
Twitter–ում նա եղել է Promoted Tweets ու մի շարք այլ տնտեսական ծրագրերի նախաձեռնողներից մեկը:
Իր հերթին Մայք Գպուտան կզբաղեցնի ընկերության ֆինանսական տնօրենի պաշտոնը, մինչ օրս նա Zynga-ի ֆինանսական տնօրենն էր, իսկ ավելի վաղ աշխատել է Yahoo-ում:
Twitter ցանցի միկրոբլոգների ակտիվ լսարանի անդամների թիվը գերազանցում է 200 մլն-ը:
