ԱՄՆ զինվորականները ոգեշնչվել են այնպիսի հերոսներից, ինչպիսիք են Ռոսոմախան ու Հալկը, որոնց օրգանիզմը կարող է ինքնուրույն վերականգնվել ցանկացած վնասվածքներից հետո, ու որոշել են ստեղծել հատուկ չիպ, որը թույլ կտա մարդկանց դադարել օգտվել դեղամիջոցներից:
Նախագիծը կոչվում է ElectRx, հայտնում է CBS News-ը:
Պենտագոնի ներկայացուցիչները մշակում են նորագույն սարքավորում, որը կներդրվի մարդկային մարմնում ու կնպաստի դրա ամբողջական առողջացմանը: Սպասվում է, որ տվյալ էֆեկտին կկարողանան հասնել էլեկտրական ազդակների միջոցով, որոնք կղեկավարեն ներքին օրգանների վիճակը:
Նախագծի հեղինակները կարծում են, որ ElectRx-ը կօգնի նվազեցնել մարդկանց կախվածությունը դեղամիջոցներից ու նոր ուղղություն կբացի բժշկության բնագավառում:
Նորագույն տեխնոլոգիայի հիմքում ընկած կլինի նեյրոմոդուլյացիայի կենսաբանական գործընթացը:
Էլեկտրոնային չիպը կօգնի բուժել այնպիսի հիվանդություններ, ինչպիսիք են աղիքի բորբոքումը, ռևմատիկ արթրիթը, օրգանիզմի համակարգային բորբոքային ռեակցիայի ախտանիշը:
Եթե նախագիծը հաջողություն ունենա, ապա դրա օգնությամբ մարդիկ կկարողանան պայքարել էպիլեպսիայի, գանգուղեղային վնասվածքների ու անգամ դեպրեսիայի դեմ, հավատացած են զինվորականները:
