Օդի ջերմաստիճանի նվազման հետ սրտի կաթվածի վտանգը մեծանում է հատկապես սրտային հիվանդություններ ունեցող և ֆիզիկական ակտիվ վիճակում գտնվող մարդկանց շրջանում:
Բանն այն է, որ արյունատար անոթները ցրտին նեղանում են, որպեսզի կանխեն մարմնի ջերմաստիճանի կորուստը: Սա բնական ռեակցիա է, որը կարող է դառնալ սրտի կաթվածի պատճառ: Նյու Յորքի Սրտի ինստիտուտի փորձագետները հաղորդում են, որ մարդկանց մեծամասնությունը չի կասկածում, թե ինչ վտանգի է ենթարկվում, երբ ձյուն է մաքրում:
Իր հերթին, ցրտի դեպքում ֆիզիկական աշխատանքը մեծացնում է արյան ճնշումը և նպաստում է կաթվածի հավանականության մեծացմանը: Սրտի առողջության պաշտպանության համար փորձագետները մշակել են հատուկ միջոցառումների նախագիծ: Մասնավորապես, մինչ ծանր ֆիզիկական աշխատանք սկսելը՝ անհրաժեշտ է տաքացնել մկանները: Դրանք կարող են լինել հեշտագույն ֆիզիկական վարժությունները նախավարժանքի համար: Դրանից հետո պետք է թույլ չտալ օրգանիզմի գերսառեցում: Հագուստը պետք է մի քանի շերտ լինի և քամու համար անթափանց, ինչպես նաև քթի և բերանի վրա հարկ է թաշկինակ դնել, որպեսզի տաքանա այն օդը, որը ներս է գնում:
Նրանք, ովքեր ամեն օր են մաքրում ձյունը, պետք է իրենց հարմար տեմպ ընտրեն և ընդմիջումներ անեն: Պետք չէ բարձրացնել բահը, ավելի լավ է սեղմեք այն: Ցանկացած 50 տարին լրացած մարդ, ով ավելորդ քաշ ունի կամ էլ սրտի կաթվածի նշաններ է ունեցել, մինչ նման աշխատանք կատարելը, պետք է խոսի բժիշկի հետ:
Ավելի վաղ Կանզաս-Սիթիի Սրտի ինստիտուտի հետազոտողները զգուշացրել են, որ օրվա ընթացքում 30-50 րոպեանոց պարապմունքները լրիվ բավարար են լավ ֆիզիկական վիճակի պահպանման համար:
Մեկ ժամից ավելի ակտիվ մարզումները կարող են բերել սրտի աշխատանքի խափանման՝ նպաստելով նրա մկանների ձգմանը, ինչպես նաև սրտի ռիթմի էական փոփոխությանը:
