Իտալիայում հերթական խորհրդարանական ընտրությունները կարող են կայանալ 2013 թվականի փետրվարի 24-ին, քանի որ այդ ամսաթիվը, երկրի ՆԳՆ ղեկավար Աննա Մարիա Կանչելիերիի խոսքերով՝ առավել համապատասխան է դրանց անցկացման համար: Այս մասին հայտնում է RIA Novosti-ն:
Ներքին գործերի նախարարը չորեքշաբթի պաշտոնական նամակ է ուղարկել հանրապետության նախագահ Ջորջո Նապոլիտանոյին, որում նշվում է, որ իր գերատեսչությունը, որը Ապենինյան թերակղզում հանդես է գալիս որպես կենտրոնական ընտրական հանձնաժողով, պատրաստ է ընտրություններն անցկացնել փետրվարի 17-ին, սակայն, տեխնիկական պատճառներով, ավելի լավ է՝ քվեարկությունը տեղափոխել ամսի 24-ին:
Նախագահական պալատի հայտարարության համաձայն՝ իր կողմից Նապոլիտանոն հաշվի է առել իրադրության ՆԳՆ գնահատականը:
Առաջիկա խորհրդարանական ընտրություններում վարչապետի պաշտոնի գլխավոր թեկնածուներն են Իտալիայի Դեմոկրատական կուսակցության առաջնորդ Պիեռ Լուիջի Բերսանին և նախկին վաչապետ, «Ազատության ժողովուրդ» կուսակցության հիմնադիր Սիլվիոն Բեռլուսկոնին:
Նա դեռ շաբաթներ առաջ հայտարարել էր այդ պաշտոնում 6-րդ ժամկետի համար պայքարելու մտադրության մասին: Չի բացառվում, որ ընտրություններին կարող է մասնակցել նաև ներկայիս վարչապետ Մարիո Մոնտին:
