Մադրիդի և Իսպանիայի այլ քաղաքների փողոցներ են դուրս եկել տասնյակ հազարավոր մարդիկ, որպեսզի իրենց բողոքը հայտնեն իշխանությունների որոշման դեմ, այն է՝ հետաձգել աբորտների մասին նոր օրենքի ընդունումը: Այս մասին հայտնում է RIA Novosti-ն:
Միտինգի մասնակիցները երկրի կառավարությունից պահանջում են չեղյալ հայտարարել աբորտների մասին գործող ներկայիս օրենքը, որի համաձայն՝ կանայք իրավունք ունեն իրենց ցանկությամբ ընդհատել հղիությունը՝ ընդհուպ մինչև 14 շաբաթական:
Իսպանիայի կառավարությունը դեռ 2 տարի առաջ էր սկսել մշակել նոր օրենք, որը թույլ է տալիս կանանց աբորտ անել միայն բռնաբարության կամ այն դեպքում, եթե ապագա մոր առողջությանը լուրջ վտանգ է սպառնում:
2013թ. օրենքը հավանության էր արժանացել կառավարության կողմից ու բուռն արձագանք առաջացրել հասարակության շրջանում:
Այդ ժամանակ հարյուր հազարավոր մարդիկ դուրս էին եկել փողոցներ՝ պնդելու համար, որ մայրերն իրավունք ունեն անձամբ որոշում կայացնելու: Այս շաբաթ արդարադատության նախարարը հայտարարել էր, որ ստիպված է հետաձգել օրենքի ընդունումը, քանի որ գոյություն ունեն լուրջ խնդիրներ, ինչպիսին է, օրինակ, Կատալոնիայի հանրաքվեն:
