Լոսանջելեսաբնակ Հայկ Մախմուրյանը Թեղուտի` բնության ու մարդու միաձուլումը պատկերող դիմանկարներ է նկարել: Մի քանի օր առաջ 12.12.12 Arts Festival միջոցառման շրջանակներում նկարել է դիմանկարներ, որտեղ մարդիկ իբրև բնորդ են հանդիսացել՝ օգնելով Հայկին իրագործել իր մտահղացումը:
Միջոցառման ընթացքում բաժանվել է նաև Թեղուտի հիմնախնդիրը ներկայացնող թռուցիկներ: Այս մասին «Առաջին լրատվական»-ին հայտնում են Թեղուտի պաշտպանության քաղաքացիական նախաձեռնությունից:
Հեղինակի խոսքով՝ «Թեղուտը միայն անտառ չի, ոչ էլ միայն գյուղ… Թեղուտը մի միավորող, ոգեշնչող ուժ ունի»:
Ներկայացված են ջրաներկեր, տուշով ու մատիտով նկարած նկարներ, որոնք էլ ստորև ներկայացնում ենք:
