Նախավերջին օրով Գեղարքունիքի մարզի Դարանակ Գյուղում արդար ընտրությունների տեսլականը վտանգված է։
Ինչպես ահազանգում է գյուղապետի թեկնածու Գյուլնազ Գրիգորյանը, այսօրվա դրությամբ պայմանագրային զինծառայողին պարտադրում են, որ գործող գյուղապետ`Վլադիմիր Սարկիսյանի կամ Վահան Մարգարյանի օգտին ձայն տա։
«Պարտադրում են, որ իմ օգտին ոչ ոք չքվեարկի, բայց չգիտեմ` ինչն է դրա պատճառը, գաղտնիքը։ Իսկ Վլադիմիր Սարկիսյանը ընկած խնդրում է, որ ես միանամ իրենց, բայց ես բացարձակ նրա հետ չեմ միանա։ 10 տարվա գործող գյուղապետ է, այսօր ցանկալի կլիներ մի հատ օպերատոր գար նկարեր Դարանակի ներկա վիճակը և Սերժ Սարգսյանի պահած շահերը։ Էդքանից հետո Սերժ Սարգսյանը մարդ է ուղարկել փոխանցելու, թե ուզում ենք, որ դարանակցիները նորից քվեարկեն Վլադիմիր Սարկիսյանի օգտին։ Այստեղ են ասել` լավ ա։ Էդ մարդիկ, ի՞նչ շահ ունեն, որ ուզում են գործող գյուղապետը վերընտրվի. որ հա գլխին խփեն, գյուղի էղածը տանեն, չգիտեմ»,- նկատեց Գյուլնազ Գրիգորյանը։
Խոսելով իր շանսերի մասին` ասաց. «Եթե երիտասարդի վրա այսօր ազդում են, ազդում են նաև նրա ընտանիքի վրա։ Եթե սենց անես, քո ընտանիքը` սենց-ընենց։ Բայց եթե այդպես շարունակվեց, էսօր-էգուց ըստեղ պատերազմ կլինի։
Երիտասարդը իր դիրքը կդնի, թեկուզ գործից դուրս մնա, թեկուզ սահման կյանքում չի պահի, պարտադրեն էլ` ինքը դիմում կգրի դուրս կգա, բայց իմ օգտին կքվեարկի»։
