2014-ին աշխարհում 155 նոր դոլարով միլիարդատերեր են հայտնվել, որոնց ընդհանուր թիվը հասել է ռեկորդային մակարդակի` 2325 մարդու: Այս մասին գրում է Lenta.ru-ն` վկայակոչելով Wealth-X և UBS շվեյցարական բանկի հետազոտությունները:
Ընդհանուր առմամբ, միլիարդատերերի թիվը մեկ տարում աճել է 7.1 տոկոսով: Նրանց ընդհանուր կարողությունը գնահատվում է 7.3 տրիլիոն դոլար:
Միլիարդատերերի թվով առաջատարը Եվրոպան է` 755 մարդ: Հյուսիսային Ամերիկայում միլիարդատերերը 609-ն են, Ասիայում`560-ը:
19 տոկոսը ժառանգություն է ստացել իր փողերը, մի մասը, հիմնվելով ժառանգության վրա, դրանք շատացրել է, իսկ 55 տոկոսը դրանք վաստակել է ինքնուրույն:
Նշենք, որ միլիարդատերերի 35 տոկոսը բարձրագույն կրթություն չունի: Միլիարդատերերի միջին տարիքը 63-ն է, կարողությունը`3.1 մլրդ դոլարը:
