Իրանական IRNA լրատվական գործակալության փոխանցմամբ՝ Իրանի Ատոմային էներգիայի կազմակերպության ղեկավար Ֆերեյդուն Աբբասին հայտարարել է, որ Իրանը մտադիր չէ դադարեցնել մինչև 20 տոկոս ուրանի հարստացումը.«Իրանն այլ երկրների պահանջով չի դադարեցնելու մինչև 20 տոկոս ուրանի հարստացումը»:
Աբբասին այս հայտարարությունն արել է այն բանից հետո, ինչ հայտնի է դարձել, որ Իրանն ու «Վեցյակը» կարող են հանդիպել 2013 թվականի հունվարին, Ստամբուլում: Բացի այդ, սրանից առաջ ԱԷՄԳ-ը հայտարարել էր, որ Իրանի միջուկային ծրագրի վերաբերյալ համաձայնությունը կարող է ձեռք բերվել արդեն հունվարին:
Նշվում է, որ վերջին երկու տարում Իրանը մինչև 20 տոկոս հարստացրել է ավելի քան 230 կիլոգրամ ուրան:
