Բարաք Օբաման աջակցություն չի գտնում ո´չ Կոնգրեսի, ո´չ բնակչության կողմից և ենթարկված է պարզապես որպես ԱՄՆ առաջին սևամորթ նախագահ հիշվելու ռիսկին՝ գրում է իսպանական El Mundo-ն:
«Ոչ ոք չի հասկանում, թե ինչպիսի սկզբունքների է նաև հետևում: 2001-ի մայիսին Օբաման պահանջել է օրենքի չեղյալ հայտարարում, որը թույլ է տալիս ԱՄՆ-ին պատերազմ մղել «Ալ-Քաիդայի» դեմ ցանկացած մերձավորարևելյան պետության տարածքում, մինչդեռ հիմա նա այդ օրենքով է բացատրում «Իսլամական պետության» ռմբակոծման համար Կոնգրեսի թուլտվություն ստանալու անհրաժեշտության բացակայությունը»:
El Mundo-ն նշում է, որ նախագահի գործողությունների թյուրիմացությունը տարածվում է նաև քաղաքական ոլորտից դուրս:
«Օբաման իրեն իր ափսեի մեջ չի զգում: Նա իշխանության եկավ աստղի կարգավիճակով, նրա հետ հանդիպման մասին երազում էին բազմաթիվ երեխաներ, սակայն հիմա մենք տեսնում ենք, թե ինչպես է Մեդիսոն անունով աղջիկը հայտարարում նախագահին, որ կնախընտրեր հանդիպել Բեյոնսեի հետ: Նա մարդկանց օտար է թվում»,- գրում է El Mundo-ն:
Հոդվածագիր Պաբլո Պարդոն Օբամայի առաջին նախագահական ժամկետը համեմատում է Ջորջ Բուշ կրտսերի երկրորդ ժամկետի հետ՝ նշելով, որ նույնսիկ երբ Բուշի վարկանիշն ընկել էր հակառեկորդային 25 տոկոսի, նրա քաղաքականությունն ավելի խելամիտ էր թվում, քան Օբամայի վարած քաղաքականությունը:
