Թուրքական Cumhuriyet թերթի փոխանցմամբ, ԱՄՆ Բնակչության բյուրոյի տվյալներով, լատինոսների (իսպանախոս ամերիկացիների) թվաքանակն արդեն գերազանցել է 50 միլիոնի սահմանագիծը:
Ընդհանուր առմամբ, վերջին 10 տարիների ընթացքում (2000 թվականից) ԱՄՆ-ում լատինոսների թվաքանակը 43 տոկոս աճ է արձանագրել` կազմելով ընդհանուր բնակչության 16 տոկոսը: Ստացվում է, որ ԱՄՆ-ում յուրաքանչյուր 6-րդը լատինոս է:
308 միլիոն բնակչություն ունեցող ԱՄՆ-ում սպիտակամորթների թվաքանակը նվազել է մինչև 196 միլիոնի` կազմելով բնակչության 64 տոկոսը:
Ասիական ծագում ունեցողների թվաքանակը նույնպես մեծ աճ է արձանագրել. վերջին 10 տարիների ընթացքում այն աճել է 43 տոկոսով:
Աֆրո-ամերիկացիները (40 միլիոն մարդ) կազմում են երկրի բնակչության 12.6 տոկոսը:
Հիշեցնենք, որ վերջին շրջանում ԱՄՆ-ում անգլիալեզու և իսպանալեզու հատվածների առկայությունը վերաճում է ժողովրդագրական լուրջ հիմնախնդրի, քանի որ տեսանելի ապագայում լատինոսները կարող են մեծամասնություն կազմել ԱՄՆ-ում:
