Սիրիական կառավարական զորքերի գործողությունների արդյունքում ապստամբները զգալի կորուստներ են կրել մայրաքաղաքի Դարայա, Դումա, Հարաստա, Զամալկա, և Բեյտ-Սահեմ թաղամասերում,- հաղորդում է ՍԱՆԱ գործակալությունը։
Ըստ «Ալ-Վաթան» լրատվական ծառայության՝ կատաղի մարտեր են ընթանում մայրաքաղաքի հարավում գտնվող, պաղեստինյան փախստականների Յարմուկ ճամբարում։ Գրոհայինների կողմից կռվում են պաղեստինցիներ։ Պաղեստինի «Ալ-Ասիֆա» խմբավորումը ապստամբների կողմից է, իսկ Պաղեստինի ազատագրման ազգային ճակատի գլխավոր հրամանատարությունը՝ կառավարական զորքերի։
ՎԱՖԱ լրատվական գործակալության տվյալներով՝ սիրիական օդուժը հարվածներ է հասցրել ճամբարին, զոհվել է 40 խաղաղ բնակիչ։ Սիրիական իշխանությունները մեկնաբանություն չեն տալիս այս առթիվ։
Պաղեստինի ազգային ադմինիստրացիայի ղեկավար Մահմաուդ Աբբասը պահանջել է վերջ տալ փախստականների ճամբարի վրա հարձակումներին։ Սիրիայում ապաստանում են 520 000 պաղեստինցի փախստականներ։
Մարտեր են գնում նաև Հալեպում, որտեղ նույնպես կառավարական ուժերը սկսել են ակտիվ գործողություններ։
Սիրիա գրոհայիններ մուտք են գործում Թուրքիայից և Լիբանանից։
