Համացանցում հայտնվել է ՀԱԿ համակարգող Լևոն Զուրաբյանի և ԲՀԿ խմբակցության պատգամավոր Վարդան Օսկանյանի խոսակցության ձայնագրությունը՝ ՀՀ նախկին վարչապետ, ՀԱԿ խմբակցության պատգամավոր Հրանտ Բագրատյանի մասին:
Ձայնագրության մեջ առկա ձայներից, ենթադրվում է, որ խոսակցությունը տեղի է ունեցել սրճարանում: Զրույցը ՀԱԿ-ԲՀԿ համագործակցության վերաբերյալ է:
Ստորև ներկայացնում ենք ՀԱԿ համակարգող Լևոն Զուրաբյանի և ԲՀԿ խմբակցության պատգամավոր Վարդան Օսկանյանի խոսակցության ձայնագրությունն ամբողջությամբ՝ առաննց խմբագրման.
Զուրաբյան – Այլընտրանքը մի տարբերակը էն ա, այնուամենայնիվ մի հատ թեկնածու դնենք, որը ընդամենը կապահովի թիմի գործունեությունը: Այսինքն՝ հասկանո՞ւմ ես, եթե Լևոնը չի, ամոթ չի, ասենք որևէ մեկը, դե հիմա տեսական եմ խոսուում: Այդ թեկնածուին ամոթ չի լինի յոթ-տասը տոկոս հավաքելը: Դա խայտառակություն չի: Հասկանո՞ւմ ես: Չէ, Նիկոլը, եթե դնի, ինքը տանելու ա լրիվ էդ ուղղությամբ: Ինքն էլ, Բագրատյանն էլ, իրանք արդեն լրիվ պատրաստվել են ոչնչացնել ԲՀԿ-ին:
Օսկանյան – Բագրատյանն էլ ա՞ էտ թևից:
Զուրաբյան – Բագրատյանը, մենք մեր քննարկումներում, երբ որ ինքը ընդհանրապես հրաժարվում ա, ասում ա՝ ինձ քաղաքական մարտավարություն չի հետաքրքրում: Մենք ասում ենք՝ մարտավարության առումով կարելի ա ինչ-որ բաներից չխոսել: Դե ես մի քիչ դեմագոգիա եմ դա համարում, բայց այնուամենայնիվ արդեն ես իրան մարտավարության առումով արգումենտներ չեմ բերում:
Օսկանյան – Ջհանգիրյանն ո՞ւր է:
Զուրաբյան – Ջհանգիրյանը լրիվ մեր գծի մեջ ա: Իրականում, հիմնական թիմը մեր գծի մեջ ա: Կա երկու հատ վառ անհատականություն, ասենք՝ Հրանտնա ու Նիկոլը: Իրանց վրա էլ են աշխատում, վերջը: Իրանք, հասկանում ես, նորից եմ ասում մի քիչ ոչ ստանդարտ իրավիճակ էր: Կոնգրեսը Տեր Պետրոսյանի գլխավորությամբ կարողանում էր պահել քաղաքացիական հասարակությունը ոչ ,այսպես ասեմ էլի, ոչ հակառուսական հատվածում՝ մի քիչ էլ սենց արևմուտքին քննադատելով, որ ինքը աչքերա փակում էս ամեն ինչի վրա ու նաև կարողանում էր ինչ-որ ձևով ասել, որ դե մարտավարություն ա, ԲՀԿ-ի հետ կարանք մենք գնանք սենց բաների, չնայած իրենք էլ են «Մարտի 1», չգիտեմ ինչ: Հիմա հարցեր կան, ավելի լավա ռեժիմից պոկենք: Սա հաջողվելա էս ընթացքում, բայց եթե ինքը չի առաջադրվում, արդեն դառնում ա լրջագույն պրոբլեմ, ու դուք կհայտնվեք երկու ֆրոնտի մեջ:
Օսկանյան- Գիտեմ, Դուք կուզեք կփոխեք հռետորիկան: Այսինքն՝ ձեր մոտ արդեն նաև Բարգավաճի վրա հարված պիտ գնա, որ կարողանաք չէ՞ մոբիլիզացնել:Դե էն ժամանակ էլ ներսից…
Զուրաբյան – Չէ, նայի, շատ հեշտ կլինի, եթե ասենք Լևոնը չի առաջադրվում, սկսվում ա՝ թե բա մենք ինչ մարտավարություն են անում: Նիկոլն էլ, Բագրատյանն էլ շատ հստակ ծրագրով են գալու, ասելու են դնենք մորթենք սաղին:
Օսկանյան – Նաև Ձեզ են մեղադրելու էլի, որ էն ժամանակ Բարգավաճի հետ սիլիբիլի արեցիք:
Զուրաբյան – Բա ոնց, դնենք մորթենք, վերջ ու դա շատ ընկալվող բանա, համ էլ «միշիկական» էս պրոպագանդայի շնորհիվ մեր շարքերի մեջ էլ ներմուծվել ա էն բանը, որ Կոնգրեսի սաղ պրոբլեմը էն էր, որ գնացինք ԲՀԿ-ի հետ համագործակցության: Հասկանում ես, շատ հեշտ կլինի: Ներսից իրանք են գործելու, դրսից՝ միշիկները, պլյուս արդեն դուրս եկածները՝ Արամ Սարգսյան, Դավիթ Շահնազարյան, բան և այլն, և այլն, դառնալու ա շատ դժվար կառավարելի բան:
