Apple-ի խելացի ժամացույցները չեն ունենա ինքնուրույն աշխատանքի երկար ժամանակ: Այս մասին գրում է The Information պարբերականը` վկայակոչելով ընկերության աշխատակցին:
Նշվում է, որ Apple-ում «շատ բան չեն սպասում» այդ պարամետրից, որը բնութագրում են որպես «հիասթափեցնող»:
Աշխատակիցները, սակայն, չեն հայտնում, թե ենթադրյալ iWatch-երը որքան ժամանակ կարող են աշխատել ամբողջությամբ լիցքավորված մարտկոցով: Աղբյուրների խոսքերով`Apple-ին մասնակիորեն հաջողվել էր լուծել վերոնշյալ խնդիրը: Նրանք LCD տեխնոլոգիայի փոխարեն OLED են կիրառել, որը պակաս էներգիա է օգտագործում:
