Հունաստանում տնտեսական ռեցեսիան կդադարի 2014թ. սկզբին, իսկ ՀՆԱ-ն դրական շարժ կգրանցի: Ինչպես հաղորդում է Reuters-ը, նման ենթադրություն է արել Հունաստանի ֆինանսների նախարար Յանիս Ստուրնարասը:
«Ինչ դրական նպատակների էլ հասնենք, դա կլինի անձրև անապատի մեջտեղում` հաշվի առնելով, որ երկիրն արթնանում է աննախադեպ երկար ռեցեսիայից հետո»,-ընդգծել է նախարարը:
Նա նաև հայտարարել է, որ հաջորդ շաբաթ Հունաստանը 16 մլրդ եվրո կտրամադրի բանկերի վերակառուցման համար: 2013-ի 1-ին եռամսյակում կհատկացվի ևս 7.2 մլրդ եվրո:
Հունաստանում ռեցեսիան շարունակվում է 2008-ից: Երկրի կենտրոնական բանկի տվյալներով` այս ընթացքում երկրի ՀՆԱ-ն կրճատվել է 2.4%-ով:
