Դերասան Ռոբերտ Դաունի-Կրտսերը չի պատրաստվում նկարահանվել «Երկաթե մարդը» ֆրանշիզի 4-րդ մասում: Այս մասին նա հայտնել է Variety ամսագրին տված հարցազրույցում՝ Տորոնտոյում կինոփառատոնի ժամանակ, որտեղ տեղի է ունեցել նրա մասնակցությամբ նոր՝ «Դատավոր» ֆիլմի պրեմիերան:
Դաունի-Կրտսերը նշել է, որ հազիվ թե Marvel ստուդիան որոշի շարունակել սերիան:
«Ես ոչ մի ծրագիր չունեմ «Երկաթե մարդը-4»-ի հետ»,- ասել է դերասանը:
Պայմանագրի համաձայն, որը նա կնքել է ստուդիայի հետ, նա պետք է հայտնվի որպես Երկաթե մարդ «Վրիժառուների» ևս 2 սիքվելներում: Ֆրանշիզի 3-րդ մասը վարձույթ դուրս կգա 2018-ին:
