ԱՄՆ-ի Քոնեքթիկուտ նահանգի Նյութաուն քաղաքում հարյուրավոր մարդիկ մասնակցել են Սենդի Հուք տարրական դպրոցում զանգվածային սպանությունների զոհերի հիշատակման պատարագին: Այս մասին հաղորդում է Sky News հեռուստաալիքը:
Պատարագը կատարվել է դպրոցի շենքից երկու կիլոմետր հեռավորության վրա գտնվող կաթոլիկ եկեղեցում: Նյու Յորքից մոտ 100 կմ հյուսիս-արևելք գտնվող 27 հազար բնակչություն ունեցող Նյութաուն քաղաքի հարյուրավոր բնակիչներ մոմեր են վառել և աղոթել ի հիշատակ զոհվածների:
Հիշեցնենք, որ դպրոցում հրաձգության զոհ է դարձել 28 մարդ, որոնցից 20-ը 5-10 տարեկան երեխաներ են: Զոհվածների թվում է 20-ամյա մարդասպան Ադամ Լենզի մայրը: Դպրոցի վրա հարձակում կատարելուց հետո նա ինքնասպանություն է գործել: