Միացյալ Նահանգների կողմից սիրիական ընդդիմադիր «Ան-Նուսրայի ճակատ» խմբավորումն ահաբեկչական ճանաչելուց հետո ԱՄՆ-ը կարող է զինված ներխուժել Սիրիա։ Ուրբաթ օրն այս մասին ասել է խմբավորման առաջնորդ, փոխվարչապետ Կադրի Ջամիլը:
«Ինչ վերաբերոմ է «Ան-Նուսրայի ճակատ»-ին, ինձ այդ կապակցությամբ անհանգստացնում է այն հանգամանքը, որ այն կարող է զիված միջամտության պատճառ դառնալ»,- ասել է Ջամիլը Մոսկվայում կայացած մամլո ասուլիսում։ Այս մասին տեղեկացնում է «Интерфакс»-ը:
«Կարելի է օրինակ բերել Պակիստանը, թե ինչպես ամերիկացիները «Թալիբան»–ի դեմ պայքարի պատրվակով ներխուժեցին Պակիստան: «Ան-Նուսրայի ճակատը» կարող է այդպիսի պատրվակ հանդիսանալ: Նահանգները կարող են անօդաչու ինքնաթիռ ուղարկել, «Ան-Նուսրայի ճակատը» կոչնչացնի այն, և դա կօգտագործվի որպես ներխուժման առիթ», – շարունակել է նա:
Ջամիլը նաև հերքել է այն մեղադրանքները, որ իր կողմից ղեկավարվող կազմակերպությունը «գրպանային» ընդդիմություն է։
«Ի՞նչ հիմքով եք դուք պնդում, որ ուրիշները այդպիսի հայտարարություններ են անում: Ձեր հայտարարությունը սուբյեկտիվ բնույթ է կրում: Այն սխալ է»,- ասել է նա՝ դիմելով այն լրագրողին, ով նրան խնդրել է մեկնաբանել նմանատիպ հայտարարությունները:
«Մեր դիրքորոշումը շատ դժվար է: Մենք երկու կրակների միջև ենք կանգնած. ռեժիմը և ընդդիմությունը կոշտ դիրքեր են գրավել, իսկ մենք փորձում ենք այլ ճանապարհ գտնել», – շարունակել է Ջամիլը:
Նա կրկին կոչ է արել սիրիական բոլոր քաղաքական ուժերին երկխոսություն սկսել, սակայն նշել է, որ Ճակատը չի բանակցի այն ուժերի հետ, որոնք կողմ են Սիրիայում զինված միջամտությանը:
Խոսելով սիրիական ընդդիմության միավորվելու մասին, նա նշել է. «Ի՞նչ է նշանակում «միացյալ ընդդիմություն»: Նշանակում է, որ հարկավոր է միավորել ընդդիմությանը: Այն հիշեցնումէ նախկին ռեժիմը, երբ կար մի կառավարող կուսակցություն: Մենք դեմ ենք դրան»:
Ինչպես նշել է ВЗГЛЯД–ը, ԱՄՆ-ը երեքշաբթի օրը հայտարարել է ծայրահեղական «Ան-Նուսրայի ճակատ»-ը ահաբեկչական կազմակերպություն ճանաչելու որոշման մասին և միջոցներ է ձեռնարկել դրա առաջնորդների նկատմամբ:
Իր հերթին Սիրիական ընդդիմության ազգային կոալիցիայի ղեկավար Մոազ Ալ-Խատիբը կոչ է արել Վաշինգտոնին վերանայել իր որոշումը:
Նախօրեին հայտնի էր դարձել, որ «Ան-Նուսրայի ճակատ»-ի ներկայացուցիչները զավթել են Սիրիայի հյուսիսում գտնվող Հալեպ նահանգի ռազմական բազան, որից հետո Վաշինգտոնը որոշում էր ընդունել «Ջեբխատ ան-Նուսրա»-ն, որը կապված է «Ալ-Կաիդա» ցանցի հետ, ներառել արտասահմանյան ահաբեկչական կազմակերպությունների ցանկում:
«Ջեբխատ ան-Նուսրա» կազմակերպությունը, մասնավորապես, իր վրա է վերցրել Դամասկոսում հոկտեմբերի 9-ին մահապարտի օգնությամբ կատարված ահաբեկչական ակտի, կառավարական ուժերի դեմ բազմաթիվ հարձակումների, հեռուստակենտրոնի վրա հարձակման, տեղական լրագրողների հետ հաշվեհարդար տեսնելու դեպքերի պատասխանատվությունը:
Associated Press-ի տեղեկատվությամբ՝ կազմակերպության որպես ահաբեկչական խմբավորման պաշտոնական ճանաչման մասին որոշումը կընդունվի հաջորդ շաբաթ:
Դա նշանակում է, որ այդ արգելվում է ԱՄՆ–ի կամ դրա քաղաքացիների կողմից ցանկացած աջակցություն, ինչպես նաև ԱՄՆ-ի բանկային համակարգում կսառեցվեն այդ կազմակերպության ակտիվները:
Բարաք Օբամայի վարչակազմի տվյալ որոշումն ավելի շատ սիմվոլիկ նշանակություն ունի, որը ցույց է տալիս Սիրիայի տարածքում ծայրահեղականների ակտիվացման վերաբերյալ ԱՄՆ-ի անհանգստությունը։
