Սեպտեմբերի 4-ի գիշերը մի շարք երկրներում Facebook սոցցանցում գրանցվել է հերթական՝ մոտ 20 րոպեանոց խափանում: Այս մասին են վկայում Twitter-ում օգտատերերի գրառումներն ու DownForEveryoneOrJustMe ծառայության տվյալները, որը հետևում է համացանցային կայքերի աշխատանքին:
Մոտավորապես ժ. 23.40-ի սահմաններում Facebook-ը անհասանելի է եղել Ռուսաստանում, ԱՄՆ-ում, Թաիլանդում, Մեծ Բրիտանիայում, Գերմանիայում, Պորտուգալիայում և մի շարք այլ երկրներում:
Բացի այդ՝ շատերը բողոքել են նաև Instagram ծառայությունից, որը նույնպես պատկանում է Facebook-ին:
TechCrunch տեխնոբլոգը հաղորդել է, որ Երևանի ժամանակով կեսգիշերից հետո ծառայությունների աշխատանքը վերականգնվել է ԱՄՆ-ում, Գերմանիայում, Ռուսաստանում ու այլ երկրներում:
