Նյու Յորքի բնակչուհի Էրին Կարոցոն լողափում մատանի էր կորցրել, որը 10 տարի առաջ նրան նվիրել էին նշանադրության ժամանակ, սակայն շուտով այդ մատանին վերադարձել է իր օրինական տիրուհուն` հաղորդում է New York Post թերթը:
«Հնարավոր է, ինչ-որ մեկը մետաղ որոնելու սարքով արդեն գտել է իմ մատանին և յուրացրել այն», – Facebook-ում գրել էր կինը, բայց կիսով չափ էր իրավացի եղել:
Մատանին իսկապես հայտնաբերվել էր: Մի քանի օր անց 1,3 կարատանոց քարով զարդը հայտնաբերել էր թոշակառու հրշեջ Մայք Կոգանը:
Հույս ունենալով մատանին վերադարձնել օրինական տիրոջը` թոշակառուն նկարել է այն և տեղադրել սոցիալական ցանցում: Մատանին արժեր 13,5 հզ. դոլար: Երկու շաբաթ անց Էրինի ընկերը նկատել է այդ հրապարակումը:
«Ես շատ ուրախ եմ, որ աշխարհում կան նման լավ մարդիկ: Ամեն ինչ կարող էր այլ կերպ դասավորվել»,- ասել է ամերիկուհին թերթին տված հարցազրույցում:
