Այսօր կառավարության մոտ էր եկել 70-ամյա Անուշ Ավդալյանը՝ հանդիպելու ԿԳ նախարար Արմեն Աշոտյանին:
Նրա թոռնիկը՝ Մայրանուշ Հովակիմյանը, այս տարի ավարտել է Հյուսիսային համալսարանի տնտեսագիտության բաժինը: Թոռան ուսման վարձը մարելու համար վարկ են վերցրել՝ 130 հազար դրամ, սակայն առ այսօր ի վիճակի չեն մարել այն:
«Թոռնիկս միակողմանի ծնողազուրկ է, ի վիճակի չեն բանկի այդ գումարը մուծել: Երկու տարի առաջ ես երկու տեղ էի աշխատում, կարողանում էինք մուծել վարկը, բայց երկու տարի առաջ ընկա, ոտքս կոտրվեց, չկարողացա այլևս աշխատել: Դիմում եմ կրթության նախարար Արմեն Աշոտյանին»,- ասաց Անուշ Ավդալյանը՝ հավելելով, որ վարկը կազմում է 130 հազար դրամ, տոկոսները ամեն ամիս մուծում են, որ գոնե տոկոսը չկրկնապատկվի:
«Ամիսը 5 հազար դրամ մի կերպ մուծում ենք, որ գոնե չկրկնապատկվի վարկը: Թոռնիկս չէր թողնում գայի, ամաչում էր, բայց որոշեցի գալ»,- հուզված հավելեց 70-ամյա կինը:
