Երկուշաբթի Վաշինգտոնում՝ ռազմական ուժերի բազայում կրակ բացած զինվորական կինը մահացել է, հաղորդում է RIA Novosti-ն՝ հղում անելով Ֆորթ-Լի բազայի ներկայացուցչին:
Ավելի վաղ հաղորդվում էր, որ կինը կրակել է ինքն իրեն և վիրավորվել: Պենտագոնի ներկայացուցիչը հայտարարել է, որ դեպքի հետևանքով այլ անձինք չեն տուժել: Ըստ գործակալության՝ կնոջը տարել են Վիրջինիայի բժշկական կենտրոն, որտեղ ավելի ուշ նա մահացել է:
Կրակոցը տեղի է ունեցել շտաբի շենքում, որից հետո բազայում ահազանգ է հնչեցվել: Հաղորդվում է, որ կինը հունից դուրս է եկել, սկսել է իրեր նետել, իսկ հետո պատսպարվել է: Բազա է ժամանել մի քանի ոստիկանական մեքենա: Շենքում եղել է ընդամենը մի քանի հազար մարդ:
Կինը, որի անունը չի հաղորդվում, ԱՄՆ բանակում ծառայում է արդեն 14 տարի, որոնցից երեքը անցկացրել է Ֆորթ-Լիի բազայում:
