ԱՄՆ ԿՀՎ նախկին տնօրեն Մայքլ Հայդենը հայտարարել է, որ ԻՊ-ի կողմից ԱՄՆ-ում և Եվրոպայում թիրախների վրա հարձակումը ժամանակի հարց է միայն:
ԱՄՆ-ի հրաժարական տված գեներալը, որը ղեկավարել է ԿՀՎ-ն 2006-2009 թթ., այս հայտարարությունն արել է CNN հեռուստաալիքին տված հարցազրույցում:
«Դա ժամանակի, ոչ թե մտարդրությունների հարց է: ԻՊ-ն շատ հզոր տարածաշրջանային կազմակերպություն է: Այն համաշխարհային նպատակներ և միջոցներ ունի, որպեսզի դրանց հասնի: Խմբավորման շարքերում կան ԱՄՆ-ի, ինչպես նաև եվրոպական երկրների քաղաքացիներ: Նրանք արդեն մտադրություն են հայտնել Արևմուտքի ուղղությամբ հարված հասցնելու վերաբերյալ: Արևմուտքի դեմ ուղղված հաջող հարձակումը կբարձրացնի այդ խմբավորման համբավը նրանց շարքերում, ովքեր կիսում են ջիհադիստական գաղափարախոսությունը:
Իմ կարծիքով՝ առկա է հակառակորդին թերագնահատելու հանգամանք: Մենք նման սխալներ թույլ ենք տվել անցյալում: Մենք երևակայություն չունեցանք գուշակելու 2001թ. սեպտեմբերի 11-ը: Մենք նույն կերպ դիտում էինք «Ալ-Քաիդայի» բարձրացումը արաբական թերակղզում: Մենք գիտեինք, որ նրանք ինչ-որ բան են նախապատրաստում, բայց չկարողացանք կանխել:
Այդ պատճառով մենք պետք է հարձակվենք ու վնաս հասցնենք ԻՊ-ին: Մենք պետք է ստիպենք նրանց անհանգստանալ իրենց անվտանգության համար»,- նշել է գերենրալը:
