Բիրմայի իշխանությունները հայտարարել են, թե ռազմածովային ուժերին հաջողվել է երկրի հարավային սահմանի մոտ կալանել թմրանյութեր տեղափոխող մի նավ։ Իրավապահ մարմինների գնահատումներով, խոսքը էքստազիի ավելի քան 2 մլն հաբի մասին է։ Այս մասին տեղեկացնում է BBC-ի ռուսական ծառայությունը։
Ոստիկանության բարձրաստիճան աշխատակցի խոսքերով՝ այն Բիրմայում թմրանյութերի առգրավված խոշորագույն խմբաքանակն է։ Դրանից բացի, նավում հայտնաբերվել է 70 տոննա «անլեգալ բնափայտ։»։
ՄԱԿ-ի տվյալներով, Բիրման տարածաշրջանում սինթետիկ թմրանյութերի, առաջին հերթին՝ մետամֆետամինի գլխավոր աղբյուրներից է։
Միաժամանակ, թմրանյութերի բավականին մեծ ծավալներ են ուղարկվում Ճապոնիա, Ավստրալիա և Նոր Զելենդիա, ինչպես նաև հարավային Ասիայի երկրներ։
