Մեծ Բրիտանիայի քաղաքացի Հադիջա Դեյրը հայտարարել է, որ պատրաստ է դառնալ առաջին կինը, ով հրապարակավ կգլխատի ամերիկացու կամ բրիտանացու: Հադիջան «Իսլամական պետության» անդամ է: Իր մտադրության մասին նա հայտարարել է Twitter-ում այն բանից հետո, երբ համացանցում հայտնվեց Իրաքում ամերիկացի լրագրող Ջեյմս Ֆոուլի մահապատժի տեսագրությունը:
«Ցանկացած հղում լրագրողի մահապատժից: Ես ուզում եմ լինել առաջին կինը, ով կգլխատի ամերիկացի կամ բրիտանացի ահաբեկչի»,- գրել է կինը իր միկրոբլոգում:
Ըստ Daily Mirror-ի տվյալների՝ Հադիջա Դեյրը 22 տարեկան է, նա Լևշին թաղամասի բնակչուհի է, որը գտնվում է Լոնդոնի հարավ-արևելքում: Twitter-ում աղջիկը ստորագրում է Մուհաջիրա ֆի Շամ, ինչը արաբերենից թարգմանաբար նշանակում է «ներգաղթյալ Սիրիայում»:
Պարբերականը նշում է, որ Հադիջան Սիրիա էր մեկնել 2012թ., իսկ իսլամ ընդունել էր դրանից մի քանի տարի առաջ: Իր ապագա ամուսնու հետ, ով Թուրքիայի քաղաքացի է և «Իսլամական պետության» անդամ, նա ծանոթացել է Շվեդիայում:
Նա հրապարակել է նաև իրենց 4-ամյա որդու լուսանկարները, որը «Կալաշնիկով» ինքնաձիգով է: Իր թվիթներում նա կոչ է անում «քույրերին ու եղբայրներին» մեկնել Սիրիա և Իրաք անհավատների դեմ պայքարելու:
