Մարտի 23-ին ժամը 10.20-ին տեղեկատվություն է ստացվել, որ Շիրակի մարզի Առափիի գյուղի գերեզմանատան մոտ ակ¬տի¬վացել են սողանքային երևույթները, ինչի հետևանքով հողաշերտի զանգվածը սահել է ներքև` վնասելով հարակից տան պատը:
Դեպքի վայր է մեկնել մարզային փրկարար վարչության օպերատիվ խումբը:
Տեղում պարզվել է, որ սահած հողաշերտի զանգվածը (մոտ 80 խմ.) վնասել է 1-ին փողոցի 1-ին նրբանցքի Ռ.Պողոսյանին պատկանող թիվ 3 տան արևմտյան պատը 10 մետր երկարությամբ, ինչից առաջացել է փլուզման վտանգ, իսկ հողաշերտի երկրորդ զանգվածը կանգ է առել հարակից թիվ 5 և թիվ 43 սեփական տների մոտակայքում` մոտ 1 մ հեռավորության վրա:
Ռ.Պողոսյանին պատկանող սեփական տանը բնակվում է 6 անձ, որից երկուսը անչափահաս, իսկ թիվ 5 և թիվ 43 տներում` համապատասխանաբար 6 (որից 3-ը անչափահաս) և 7 (որից 3-ը անչափահաս) անձ:
Փրկարարների կողմից կազմակերպվել և իրականացվել է վնասված թիվ 3 տան բնակիչների և գույքի տարահանումը, ինչպես նաև հնարավոր սպառնալիքների և տարահանման անհրաժեշտության մասին զգուշացվել են թիվ 5 և թիվ 43 տների բնակիչները: Շիրակի մարզպետի կարգադրությամբ, տարահանվող բնակիչների համար, գյուղի դպրոցում հատկացվել են սենյակներ: