Ճանաչողական այցով Արցախում են գտնվում Հարավային Կորեայից խաղաղության միջազգային երիտասարդական խմբի ներկայացուցիչները: Ղարաբաղյան հակամարտությանը և տարածաշրջանում քաղաքական գործընթացներին ծանոթանալու նպատակով Արցախ ժամանած հյուրերը տարբեր հանդիպումների միջոցով ուզում են պարզել, թե իրենց գրասենյակը ինչ դերակատարություն կարող է ունենալ Հարավային Կովկասում խաղաղության ամրապնդման գործընթացում:
ԼՂՀ կառավարության տեղեկատվության և հասարակայնության հետ կապերի բաժնից, այսօր հյուրերը հանդիպել են Արցախի գործադիր իշխանության ղեկավար Արա Հարությունյանի հետ: Հանդիպմանը նրանք հետաքրքրվել են Արցախի Կառավարության գործունեությամբ, ներքին և արտաքին քաղաքական ու տնտեսական խնդիրներով: Կորեացի հյուրերը վարչապետին հրավիրել են մասնակցելու սեպտեմբերի 15-19-ը Սեուլում կայանալիք միջազգային համաժողովին, որին հրավիրված են նաև նախկին և ներկա նախագահներ ու վարչապետներ, քաղակական, կրոնական միջազգային կազմակերպությունների և տեղեկատվական դաշտի ներկայացուցիչներ տարբեր երկրներից:
Նշենք, որ Խաղաղության միջազգային երիտասարդական խումբը 251 երիտասարդական կազմակերպությունների և համալսարանների միավորում է 72 երկրից:
