Գազայի հատվածում Իսրայելի ներկայիս ռազմական գործողության ընթացքում զոհվել է 447 երեխա, ինչն ավելի շատ է, քան իսրայելական բանակի նախորդ երկու գործողությունների ժամանակ: ITAR-TASS-ի տեղեկացմամբ՝ այս մասին լրագրողների հետ ճեպազրույցի ժամանակ հայտնել է ՄԱԿ-ի Մանկական հիմնադրամի (ՅՈՒՆԻՍԵՖ) մամլո քարտուղար Քրիստոֆեր Թայդին:
«Զոհվածների թվում են 10 օրականից միչև 17 տարեկան 277 տղա, 170 աղջիկ: Նրանցից առնվազն 305-ը կամ 68%-ը չի բոլորել 12 տարին»,- նշել է Թայդին: Վիրավորվել է 2877 երեխա:
ՅՈՒՆԻՍԵՖ-ի ներկայացուցիչը հիշեցրել է, որ Գազայի հատվածում իսրայելական բանակի 2008-2009թթ. գործողության ընթացքում զոհվել է 350 երեխա, 2012-ի նոյեմբերին՝ 35:
ՄԱԿ-ի տվյալներով՝ «Անսասան ժայռ» գործողության սկզբից 1 ամսվա ընթացքում Գազայի հատվածում զոհվել է 1869.000 պաղեստինցի, 9500-ը տուժել է: ՄԱԿ-ի գնահատմամբ՝ զոհված պաղեստինցիների ավելի քան 70%-ը խաղաղ բնակիչներ են: Խաղաղ բնակչության շրջանում զոհերի մեկ երրորդը երեխաներ են:
Հուլիսի 17-ից՝ գործողության ցամաքային փուլի սկզբից մարտերում զոհվել է 64 իսրայելցի զինվոր և սպա: Եվս 3 իսրայելցի խաղաղ բնակիչ զոհվել է հրթիռային գնդակոծության հետևանքով:
