ԱԳՆ շենքի առջևից այսօր վաղ առավոտյան մեկնարկել է խաղաղության երթ՝ «Ո՛չ պատերազմին» խորագրով: Երթի մասնակիցները շարժվել են ՌԴ դեսպանատուն -Մաշտոցի պողոտա -Ազատության հրապարակ երթուղիով: Մասնակցել են նաև մի քանի հասարակական կազմակերպության անդամներ: Մասնակիցները նկատել են, որ հայ-ադրբեջանական եւ ադրբեջանա-ղարաբաղյան շփման գծում լարված իրավիճակի հիմնական պատասխանատու ՌԴ նախագահն է, այնուհետև պետությունների ղեկավարները:
Ըստ նրանց՝ Կովկասյան տարածաշրջանում գերակա շահ հետապնդող կողմերից է Ռուսաստանը, որը վերջին 100 տարվա ընթացքում անմասն չի մնացել կոնֆլիկտներ ու ժողովուրդների միջև ատելություն ու թշնամություն հրահրելուց։ Երթի մասնկիցները հասնելով ՌԴ դեսպանատան մոտ կանգ են առել և բացականչել են «Պուտին հեռացիր », «Մենք խաղաղություն ենք ուզում» «ո՛չ պատերազմին», «մայրերի սրտերը միանման են բաբախում»:
Երթի մասնակիցները նաև ընգծել են, որ դատապարտելի է, երբ օլիգարխները հարստանում են, իսկ զինվորները սահմանը պահելիս՝ զոհվում:
Առավել մանրամասն՝ տեսանյութում
