Ֆրանսիայի արդարադատության նախկին նախարար Ռաշիդ Դատին երկար ժամանակ թաքցնում էր՝ ով է 2009թ. ծնված իր միակ երեխայի հայրը: Ցուցակում երեխայի հնարավոր հոր հավանական թեկնածուների անուններում նշվում էին, թե՛ ֆրանսիայի նախկին նախագահ Նիկոլա Սարկոզիի, թե՛ Իսպանիայի նախկին վարչապետ Խոսե Ասնարի ու մի շարք խոշոր ձեռնարկատերերի անունները, գրում է ITAR-TASS-ը:
Այս տարվա հոկտեմբերին ֆրանսիական մամուլ տեղեկություն սպրդեց, թե Դատին ալիմենտներ վճարելու համար դիմել է հայտնի մուլտիմիլիոնատեր, Lucien Barriere խմբի նախագահ Դոմինիկ Դեսենին:
Վերջինիս խոսքով՝ իր հայրության փաստը շատ կասկածելի է: Միլիոնատերը լրագրողներին պատմել է, որ այդ ժամանակահատվածում ինքը Դատիի միակ զուգընկերը չի եղել, սակայն արդարադատության նախկին նախարարը լավ գիտի օրենքները:
Կինը դիմել է կոմպետենտ կառույցներ ու արդյունքում՝ Վերսալի քաղաքացիական հարցերով դատարանը Դեսենին պարտավորեցրել է ԴՆԹ թեստ հանձնել: Այն դեպքում, եթե հայրության փաստն ապացուցվի, ապա մուլտիմիլիոնատերը ստիպված կլինի վճարել ահռելի գումարներ:
