Արևմտյան մամուլը հաղորդում է ԱՄՆ-ի մի բնակչուհու մասին, որը ոչ ստանդարտ չափեր ունի, ինչպես նաև ոչ ստանդարտ զբաղմունք: Մերիլենդ նահանգի Հաննովեր քաղաքի բնակչուհի, 29-ամյա Լուեյն Բարբերը 114 կգ է կշռում և դրա հետ մեկտեղ լրջորեն զբաղվում է մերկապարով՝ ունենալով երկրպագուների հսկայական բանակ, հաղորդում է բրիտանական Metro պարբերականը:
Բարբերի նկատմամբ մեծ հետաքրքրությունը համեմատաբար վերջերս է առաջացել: Մի քանի տարի առաջ նա մասնակցել է «Ամերիկան տաղանդներ է փնտրում» NBC-ով հեռարձակվող շոուին, որից հետո ամբողջ աշխարհում շատ երկրպագուներ է ձեռք բերել:
Ոչ ստանդարատ ամերիկուհու ելույթների տեսագրությունները հասանելի են YouTube-ում: Ելույթների համար նա ընտրել է բեմական Լուլու անունը:
Ինքը՝ կինը պատմում է, որ մերկապարով զբաղվելու գաղափարը նրա մոտ ծագել է առաջին երեխայի ծնվելուց հետո: Ծննդաբերությունից հետո նրա մոտ ավելորդ քաշ է առաջացել, որի պատճառով նա իրեն անինքնավստահ է զգացել: Դրանից առաջ Լուլուն բավական ակտիվ սպորտային կյանք է վարել:
Մայրանալով՝ նա որոշել է, որ ժամանակն է ինչ-որ նոր բան սկսել, և մասնակցել է մերկապարի դասընթացներին: Սկզբում նրան կասկածներն են տանջել, սակայն հետագայում հասկացել է, որ երբեք իրեն այդքան սեքսուալ չի զգացել:
Այժմ Բարբերը երկու երեխա ունի: Նա պնդում է, որ պարի բնագավառում բավական մեծ հաջողությունների է հասել:
Իր օրինակով Լուլուն ոգեշնչել է այլ գեր կանանց մերկապարով զբաղվելու: Դրանից բացի, նա մասնակցում է մերկապարի պրոֆեսիոնալ մրցույթներին և երազում է երբևէ հաղթել:
