Կրեմլը պատրաստվում է ուժեղացված միջազգային մեկուսացման, գրում է The Wall Street Journal-ը: Ըստ պարբերականի՝ «Մոսկվան նոր խնդիրների է բախվել միանգամից 2 ճակատով»: Առաջին՝ «Ուկրաինայի արևելքում անջատողականներն անհաջողությունների են մատնվում», երկրորդ՝ ԱՄՆ-ը և Եվրոպան պատրաստում են պատժամիջոցների հերթական ալիք, ասվում է հոդվածում:
Ավելի վաղ հաղորդվում էր, թե Ուկրաինայի նախագահ Պյոտր Պորոշենկոն հայտարարել է, որ ուկրաինացի ուժայինները Ստեպանովկան ազատել են անջատողականներից:
Հաղորդվում էր նաև, որ սպասվում է` երեքշաբթի օրը ԵՄ-ն Ռուսաստանի նկատմամբ նոր պատժամիջոցներ կսահմանի:
Ըստ թերթի՝ Կրեմլը սկսել է միջոցներ ձեռնարկել ռուսներին ուժեղացված միջազգային մեկուսացման պատրաստելու համար: Որպես օրինակ՝ պարբերականը բերում է ՌԴ նախագահ Վլադիմիր Պուտինի հայտարարությունը, որ Ռուսաստանը կարող է ինքնուրույն արտադրել ռազմարդյունաբերական բոլոր համալիրները, ինչը կվնասազերծի քաղաքական ռիսկերից:
