Cathay Pacific ավիաընկերության բորտուղեկցորդուհուն աշխատանքից հեռացրել են այն բանից հետո, երբ նա Facebook-ի իր էջում գրել է, որ ցանկանում է սուրճ լցնել 2006 թ. Թաիլանդի պաշտոնանկ արված վարչապետ Թաքսին Չինավատի դստեր և ներկայ վարչապետի զարմուհու՝ Ինգլայք Չինավատի վրա,- հաղորդում է Associated Press-ը:
Ուղեկցորդուհին խառնաշփոթ է առաջացրել թայվանական համացանցում՝ տեղադրելով նրա լուսանկարները, ինչպես նաև ոչ բարեհաճ արտահայտություններ գրելով նրա հասցեին:
«Բնական կլինի, եթե ես չվերթի ընթացքում ինչ-որ բան նետեմ նրա վրա»,- գրել է ուղեկցորդուհին իր ֆեյսբուքյան էջում:
Հոնկոնգյան Cathay Pacific ավիաընկերությունը հայտարարել է, որ ուղևորուհու անձնական տվյալները կայքում տեղակայելը ապօրինի է, և դրանով խախտվել է ավիափոխադրողի գաղտնիության սկզբունքը: Նրանք նաև հավելել են, որ ուղեկցորդուհին այլևս ընկերության աշխատակիցը չէ, սակայն չեն մանրամասնել:
