ԳԱԼԱ-ն գրում է․
Հուլիսի 13-ին Նոր Նորքի մանկապարտեզի բակում Ջունգլ մականունով Գևորգ Սարգսյանը, նրա հայրը՝ Բաբկեն Սարգսյանն ու ևս մեկ քաղաքացի՝ Վիկտոր անունով, ծեծի ենթարկեցին 55-ամյա ազատամարտիկ Վարդան Թումանյանին, ով մահացավ: Դեպքի առթիվ հարուցվել է քրեական գործ, Գևորգ Սարգսյանը կալանավորված է, նրա հայրը՝ Բաբկեն Սարգսյանը, ազատության մեջ է՝ ստորագրությամբ չբացակայելու պայմանով, իսկ Վիկտորի նկատմամբ իրավապահ մարմինները հետախուզում են հայտարարել: Մահացած ազատամարտիկի քրոջ պնդմամբ եղբորը ծեծի ենթարկած հայր և որդի Սարգսյանները ԵԿՄ անդամներ են ու մտերիմ հարաբերությունների մեջ են ԵԿՄ նախագահ Մանվել Գրիգորյանի հետ:
ԵԿՄ նախագահի խոսնակ Վարդան Վարդանյանը ԳԱԼԱ-ի հետ զրույցում հաստատեց տեղեկությունն այն մասին, որ Բաբկեն Սարգսյանը պատերազմի մասնակից է, ԵԿՄ անդամ, բայց վերջինիս որդին չի համալրում ԵԿՄ շարքերը:
Ինչ վերաբերում է այն պնդումներին, թե հայր և որդի Սարգսյանները Մանվել Գրիգորյանի հետ ջերմ հարաբերությունների մեջ են, ինքը նման տեղեկություն չունի:
«Հայրը դժբախտաբար ԵԿՄ անդամ է, բայց դա ոչ մեկին իրավունք չի տալիս հանցագործություն անել, ու ԵԿՄ-ից էլ թե շարքային անդամները, թե ղեկավար կազմը նման արարքներն իհարկե դատապարտում են ու բնականաբար չեն պաշտպանի: Երկրապահը հայրենասիրական կառույց է, հայությանը համախմբող, և բնականաբար դատապարտում է, որ հայ մարդուն ծեծելով սպանում են, էն էլ ազատամարտիկին»,- նշեց Վարդան Վարդանյանը:
Հոդվածն ամբողջությամբ՝ սկզբնաղբյուր կայքում:
