Որոշման (ֆեթվա) իսկությունը, թե իբր «Իրաքի և Լևանտի իսլամական պետության» (ԻԼԻՊ) գրոհայինները պատրաստվում էին Իրաքում թլպատել 4 մլն կանանց, այժմ կասկածելի է համարվում: Այս մասին գրում է BBC-ն:
Վերլուծաբաններն ուսումնասիրելով սոցիալական ցանցերում հրապարակված հռչակագրի տեքստը՝ ասում են, որ փաստաթուղթը կարող է լինել հասարակ կեղծիք: Բլոգերները ենթադրում են, որ արդեն երկու օր սոցիալական ցանցերում շրջանառվող ֆեթվան կարող է ուղղված լինել «Իրաքի և Լևանտի իսլամական պետության» վարկաբեկմանը:
Տեքստում տպագրական սխալներ կան: Բացի այդ, հռչակագիրը ստորագրված է «Իրաքի և Լևանտի իսլամական պետություն» անվամբ՝ չնայած գրոհայիններն արդեն վաղուց իրենց կազմակերպությունը կոչում են «Իսլամական պետություն»:
