Սկյուռը Մեծ Բրիտանիայի բնակչուհիներից մեկի ավտոմեքենա էր մտել լյուկից և դարձել ճանապարհատրանսպորտային պատահարի պատճառ: Միջադեպը ապահովագրական ընկերության վրա արժեցել է գրեթե 9 հազար դոլար` հաղորդում է Telegraph թերթը:
Ինչպես նշում է պարբերականը, կինն այնքան վախեցած է եղել իր ավտոմեքենայում անսպասելի հայտնված սկյուռից, որ սարսափից կորցրել է մեքենայի կառավարումը և բախվել ծառին:
Ընկերությունը ստիպված է եղել վճարել ավտոմեքենայի վերանորոգման ծախսը:
Սկյուռի ճակատագիրն անհայտ է:
Ապահովագրական ընկերության տվյալով՝ Մեծ Բրիտանիայում անշեղորեն աճում է ՃՏՊ-ների թիվը, որոնց մեղավորները կենդանիներն են:
Միայն 2011թ. ճանապարհներին հայտնված կենդանիների պատճառով մահացել է 8 մարդ:
