Եթե չեք ցանկանում բարկացնել Քեմերոն Դիասին, ապա ոչ մի վատ բան մի ասեք նրա ընկերների մասին: Ցավոք, ռադիոհաղորդավար Քայլի Սենդիլենդսը հավանաբար չի իմացել այդ մասին, այդ պատճառով էլ զայրացրել է աստղին:
Քեմերոնն ու «Տնային տեսանյութ» շոուում նրա գործընկեր Ջեյմս Սիգելը հեռախոսային հարցազրույց էին տալիս KIIS ռադիոկայանին, որի ընթացքում երկրորդ հաղորդավար Ջեկի Օն հիշեցրել է, որ ֆիլմում նկարահանված Ժիզել Էյզենբերգը իրեն հիշեցնում է Դրյու Բերիմորին՝ 1982-ին նկարահանված «Այլմոլորակայինը» ֆիլմում:
«Նա իրականում նման է նրան, ինչ լավ է, որ նկատել եք: Նա նույնքան կենդանի ու վառ է, որքան Դրյուն, հմայիչ աղջիկ է»,- ոգեշնչված նշել է դերասանուհին:
Այդ ընթացքում զրույցին միջամտել է Քայլին՝ ասելով. «Հույս ունենք՝ նա թմրանյութերի հետ ոչ մի խնդիր չի ունենա, ինչպես Դրյու Բերիմորը: Նրան հաճելի է տեսնել այդ ֆիլմերում, բայց կարծում եմ՝ իրականում ամեն ինչ այնքան էլ կատարյալ չէ»:
Քեմերոնը միանգամից պաշտպանել է ընկերուհուն. «Վստահ եմ, Քայլի, որ դու թմրանյութերի կամ ալկոհոլի հետ ոչ մի խնդիր չես ունեցել: Քեզ մոտ միշտ ամեն ինչ բյուրեղյա մաքուր է եղել, այնպես չէ՞: Դե, շնորհավորում եմ»:
Ռադիոհաղորդավարը փորձել է հարթել այդ տհաճ իրավիճակն և հարցրել է Դիասին նրա նոր ընկերոջ՝ Բենջի Մեդենի հետ հարաբերությունների մասին, իսկ նրա գործընկերը Ջեյսոն Սիգելին հարց է ուղղել, թե ինչպես է կարողացել նիհարել ֆիլմի համար: Բայց դա չի օգնել:
«Մենք արդեն պետք է գնանք, մեզ կանչում են»,- շտապել է հարցազրույցն ավարտել Քեմերոնը:
Երբ աստղը անջատել է լսափողը, Ջեկի Օն եթերում մեղադրել է գործընկերոջը դերասանուհուն հունից հանելու համար:
