Պոլտավայի հայկական համայնքը մարդասիրական օգնություն է տրամադրում Արևելյան Ուկրաինայի բանակին, ինչպես նաև պլանավորում է հուշարձան տեղադրել «Երկնային հարյուրյակի հերոսների» հիշատակին, հայտնում է ltava.poltava.ua-ն: Այս մասին լրագրողների հետ հանդիպմանը տեղեկացրել են հայկական «Ուրարտու» հասարակական կազմակերպության ներկայացուցիչները մամլո ասուլիսի ժամանակ:
Հանդիպումը կազմակերպվել էր «Միասնական երկիր» նախագծի շրջանակում:
Ուկրաինայում հայ համայնքի ներկայացուցիչները ամեն ամիս մարդասիրական օգնություն են ուղարկում երկրի արևելք՝ ուկրաինացի զինվորականներին:
Նրանց իրերն ու մթերքը տեղափոխելուն օգնում են պոլտավացիները՝ ամեն շաբաթ փոխադրելով բեռները:
Հայ համայնքի ներկայացուցիչ Սմբատ Ղարիբյանը Ուկրաինայի այլ համայնքների ներկայացուցիչներին կոչ է անում հետևել իրենց օրինակին:
«Երբ մենք օգնում ենք մեր բանակին, ստիպված չենք լինի օգնել ու կերակրել օտարի բանակին: Ես գիտեմ, որ օգնելով մեր զինվորականներին՝ մենք առաջին հերթին մեզ ենք օգնում»,- ասել է բանախոսը:
Հայ համայնքը նաև ձեռնամուխ է եղել «Երկնային հարյուրյակի հերոսների» հիշատակին հուշարձանի նախագծման աշխատանքներին, որը լինելու է վարդագույն մարմարից, և որի վրա տեղակայվելու են բոլոր զոհերի նկարները:
Սեպտեմբերին «Ուրարտուի» երիտասարդները ծրագրում են ստեղծել կամավորական խմբեր և օգնել այն ծերերին ու ընտանիքներին, որոնց ամուսինները մասնակցել կամ մասնակցում են Ուկրաինայի արևելքում մղվող ռազմական գործողություններին:
