Մինչև տարվա վերջ դեռ 1 ամիս կա, սակայն հայտնի պարբերականներն արդեն ամփոփում են տարվա արդյունքները:
Այսպես Empire ամսագիրը «Տարվա տղամարդ» է ճանաչել կոպիտ ավստրալացուն` Քրիս Հեմսվորթին: Նա միաժամանակ ֆոտոսեսիա է իրականացրել և կազմակերպել հարցազրույց հունվարյան թողարկման համար:
Ներկայացվում են նրա հարցազրույցից որոշ հատվածներ:
«Տարվա տղամարդը»
Դա իրականում ուշագրավ է: Եվ շատ հաճելի է, ուստի առաջին հերթին ցանկանում եմ շնորհակալություն հայտնել ձեզ: Բայց ես խորհել եմ այն մասին, թե ինչ է դա նշանակում` «Տարվա տղամարդ»: Ինձ դուր է գալիս լինել ընտանեկան տղամարդ կնոջս և դստերս կողքին: Չեմ կարծում, որ վաստակել եմ այդ տիտղոսը: Շոուն` իհարկե լավ է: Սակայն ցանկացած հիշեցում, որ մարդկանց դուր է գալիս իմ արվեստը, և որ դա ինձ թույլ է տալիս շարունակել զբաղվել սիրածս գործով, մշտապես մեծ առավելություն է:
Համեստության մասին
Ես գիտակցում եմ, որ այժմ ավելի մեծ ազատություն և հնարավորություններ ունեմ, քան երբևէ: Սակայն վաղվա օրվա նկատմամբ անվստահությունը քայքայում է ինձ ներսից` «Իսկ եթե սա իմ վերջի՞ն դերն է»: Երբեք չգիտես, թե երբ անգործ կմնաս: Այս զգացողությունները ինձ անկեղծություն և որոշակի հիմք են տալիս:
Վերջին աշխատանքի մասին` «Կարմիր այգաբաց» ֆիլմը
Մեզ շրջապատում էին 4-5 տարով փոքր դերասաններ… Եվ մենք կարծես երիտասարդացանք նկարահանումների ընթացքում: Դա հետաքրքիր էր: Այնպիսի տպավորություն էր, որ մենք` 10 դերասաններով ռազմական ճամբարում ենք հայտնվել, որպեսզի սովորենք ռազմական արվեստը և զենքի գործածումը: Մենք բնակվել ենք Դեթրոյթում 4 ամիս և շփվել 15-25 տարեկան դերասանների հետ:
