31-ամյա Քիմ Քարդաշյանը նոյեմբերի 29-ին Քուվեյթում մասնակցել է Millions Of Milkshakes կաթնային կոկտեյլների խանութի բացմանը, սակայն Լոս Անջելեսում նրան անձնական խնդիրներ են սպասում:
Չորեքշաբթի օրը Քիմի փաստաբանը Կալիֆոռնիայի դատարանում պատմել է, որ իր հաճախորդը զգում է կապված ոտքերով և ձեռքերով Քրիս Համֆրիսի հետ նրա ամուսնության հարցում անորոշ վիճակից: Քիմն ուզում է ձևակերպել սովորական ամուսնալուծություն, իսկ Քրիսը փորձում է զրոյացնել ամուսնությունը: Կողմերից ոչ մեկը չի ուզում զիջել: Հայտնի է դարձել, որ Քրիսը հետ է պահանջում իր նվիրած 2 մլն դոլար արժողությամբ ամուսնական մատանին: RadarOnline պորտալի հաղորդմամբ` Քրիսը հաստատուն է զարդը վերադարձնելու իր որոշման մեջ, սակայն աղբյուրը վստահեցնում է, որ ամուսնական պայմանագրի համաձայն` Քիմը լիովին իրավունք ունի իրեն պահել 20,5 կարատանոց ադամանդով մատանին:
Մինչ փաստաբանները դատարանում պաշտպանում են աստղերի շահերը` Քրիսը Բոսթոնում Բասկետբոլի խաղի ժամանակ կռվել է Ռեջոն Ռոնդոյի հետ, իսկ Քիմի եռօրյա այցը Մերձավոր Արևելք հարուցել է Քուվեյթի և Բահրեյնի պահպանողական բնակչության դժգոհությունը:
Մեծամասամբ իր տնային սեքսուալ տեսանյութի շնորհիվ հայտնի դարձած Քիմը ջերմ ընդունելության չի արժանացել: «Նրա վարքը հակասում է մեր արժեքներին ու ավանդույթներին, քանի որ մենք շատ հավատացյալ մարդիկ ենք»,- ասել է քարոզիչ Մոհամմադ Ալ Թաբթաբայը: Քիմին վատ ընդունելու պատճառներից է նաև այն, որ Բահրեյնի մայրաքաղաք Մանամա այցի ժամանակ նրան հանդիպելն արժեցել է մոտ 1300 դոլար, իսկ դա ավելին է, քան այդ երկրի շատ քաղաքացիներ վաստակում են մեկ ամսում, հայտնում է starbloid.com-ը:
