Նորվեգիան որոշել է պաշտոնապես հրաժարվել «Պաղեստինի ազգային ինքնություն» անվան կիրառումից ՄԱԿ-ում Պաղեստինին դիտորդ պետության կարգավիճակ շնորհելու կապակցությամբ: Ինչպես հաղորդում է ITAR-TASS-ը, այդ մասին այսօր հայտարարել է Նորվեգիայի արտգործնախար Էսպեն Բարթ Էյդեն:
Նախարարը հայտարարել է, որ, հաշվի առնելով ՄԱԿ Գլխավոր ասամբլեայի քվեարկության արդյունքները, տարածքը, որը Նորվեգիան մինչև հիմա անվանում էր «Պաղեստինի ազգային ինքավարություն», այսուհետ անվանվելու է Պաղեստին:
«Ես չեմ զարմանա, եթե ուրիշ երկրներ հետևեն մեր օրինակին»,- հավելել է Էյդեն:
Պաշտոնական Օսլոյի օրինակին մտադիր են հետևել նաև նորվեգացի լրագրողները:
«Աֆթենպոսթեն» թերթի քաղաքական խմբագիր Հարալդ Սթանհելեի կարծիքով՝ ՄԱԿ ԳԱ-ի քվեարկության արդյունքը «մեծ խորհրդանշական իմաստ ունի»:
Հիշեցնենք, որ հինգշաբթի ՄԱԿ-ի Գլխավոր ասամբլեան ճանաչել է Պաղեստինի` համաշխարհային կազմակերպությունում դիտորդ-պետության կարգավիճակը: Համապատասխան բանաձևը հավանության է արժանացել ՄԱԿ-ի 193 անդամ երկրներից 138-ի կողմից: Բանաձևին դեմ է քվեարկել 9 երկիր, ձեռնպահ է՝ 41-ը, մնացածներն ընդհանրապես չեն քվեարկել։
