Forbes ամսագիրը հրապարակել է 2012թ. ամենաբարձր վարձատրվող 10 երաժիշտ-կատարողների վարկանիշային աղյուսակը:
2012թ. ամենահարուստ երաժիշտ է ճանաչվել ամերիկացի ռեփեր Dr.Dre-ն, ում եկամուտը կազմել է 110 մլն դոլար` գրում է Forbes-ը:
Ռեփերի երկար սպասված Detox ալբոմը դեռ պատրաստ չէ, սակայն երաժիշտը եկամուտներ է ստացել նախորդ ալբոմների վաճառքից ու համերգներից:
Երաժշտին եկամուտներ է բերում նաև ականջակալների Beats by Dr. Dre ապրանքանիշը, որի համար հիփ-հոփ կատարողը ստացել է 100 մլն դոլար. 2011թ. սմարթֆոններ արտադրող HTC ընկերությունը 300 մլն դոլարով գնեց ականջակալներ արտադրող ընկերությունից 51% բաժնետոմսերը:
Ամենից բարձր վարձատրվող երաժիշտների վարկանիշային աղյուսակում երկրորդ տեղում է լեգենդար Pink Floyd խմբի հիմնադիր, բրիտանացի Ռոջեր Ուոթերսը՝ 88 մլն դոլարով:
Պատվավոր երրորդ տեղում է բրիտանացի երաժիշտ Էլթոն Ջոնը: Ընթացիկ տարում նա տվել է 100-ից ավելի համերգներ ու աշխատել 80 մլն դոլար:
Նրանց հաջորդում են` U2 խումբը՝ 78 մլն դոլարով, բրիտանական Take That խումբը` 69 մլն դոլարով, Bon Jovi խումբը` 60 միլիոն դոլարով, ապա երգչուհի Բրիթնի Սփիրսը` 58 մլն դոլարով, Փոլ Մաքքարտնին ու Թեյլոր Սվիֆթը, որոնք 2012-ին վաստակել են 57 մլն դոլար:
Աղյուսակը եզրափակում է 18-ամյա երգիչ Ջասթին Բիբերը` 55 մլն դոլարով:
Վարկանիշային աղյուսակը կազմելիս հաշվի է առնվել աստղերի եկամուտները երաժշտական ինդուստրիայում ձայնասկավառակների վաճառքից, գովազդային պայմանագրերից:
