Նիգերիայի մայրաքաղաք Աբուջայի մերձակայքում զինված հարձակում է տեղի ունեցել ոստիկանական բաժանմունքի վրա, որտեղ պահվում էին ահաբեկչության մեջ կասկածվող անձինք: Սպանելով 2 իրավապահի՝ զինյալներն ազատել են իրենց 30 կողմնակիցներին` հաղորդում է Associated Press-ը:
Ոստիկանության հաղորդմամբ` զինյալները ուշ գիշերին հարձակվել են շինության վրա, որտեղ պահվել են կասկածյալները:
Գերատեսչության մամլո քարտուղար Ֆրենկ Մբան նկատել է, որ օպերատիվ աշխատանքի արդյունքում 30 կասկածյալից 25-ը ներկայում գտնվում են ճաղերի ետևում, որոնց միացել են հարձակման 2 ենթադրյալ մասնակիցներ:
Նրանք բոլորը կասկածվում են «Բոկո Հարամ» ահաբեկչական կազմակերպության հետ առնչություն ունենալու մեջ, որն իր առաջ նպատակ է դրել երկրում հաստատել շարիաթի կանոններ:
