ԱԱԽ անդամ, ԲՀԿ առաջնորդ Գագիկ Ծառուկյանը վերջին շրջանում դադարել է օդանավակայանում դիմավորել և ճանապարհել Սերժ Սարգսյանին՝ ինչպես ընդունված է իշխանական վերնախավում, և ինչպես նա արել էր մինչ այժմ: «Առաջին լրատվական»-ի տեղեկություններով՝ նա չի դիմավորել Ս. Սարգսյանին, երբ վերջինս վերադարձել է արտերկրում իր հանգստից, նաև չի ճանապարհել նրան Լիբանան:
Այնպես որ, օդանավակայանում ներկաների մեջ տպավորություն է ստեղծվել, որ Ծառուկյանը որոշել է ընդդիմության միասնական թեկնածու դառնալ և ընդդիմադիր գործունեությունը սկսել է Ս. Սարգսյանին ճանապարհելու գործընթացը բոյկոտելով:
Հիշեցնենք, որ ԲՀԿ-ն հայտարարում էր, թե նա դիմավորում ու ճանապարհում է Ս. Սարգսյանին, քանի որ Ծառուկյանը ԱԱԽ անդամ է: Լիբանան ճանապարհելու ժամանակ Հովիկ Աբրահամյանը եկել է վերջին պահին` Սերժ Սարգսյանի մեկնումից հինգ րոպե առաջ:
