Վրաստանի նախկին վարչապետ, ներքին գործերի նախկին նախարար Վանո Մերաբիշվիլին, որին մոտ ժամանակներս պատրաստվում է հարցաքննել երկրի գլխավոր դատախազությունը, հայտարարել է, որ չի բացառում իր կալանավորումը:
Ավելի վաղ Վրաստանի գլխավոր դատախազ Արչիլ Կբիլաշվիլին հայտարարել էր, որ դատախազությունը մտադիր է հարցաքննության կանչել Մերաբիշվիլիին՝ ծառայողական լիզորությունների չարաշահման գործով:
«Ցավոք, ելնելով Վրաստանում տեղի ունեցող վերջին գործընթացներից, ես ոչինչ չեմ բացառոււմ»,- հայտարարել է Մերաբիշվիլին «Ռուսաթավի 2» հեռուստաալիքի ուղիղ եթերում:
Մերաբիշվիլիի խոսքերով՝ «իր դեմ ներկայացված մեղադրանքներն այնքան անլուրջ են, որ չարժե դրանք մեկնաբանել»:
«Վերջին շրջանում շատ հաճախ տեղի ունեցող՝ պաշտոնյաների զանգվածային կալանավորումները Վրաստանում փչացնում են երկրի իմիջը»,- հավելել է նախկին վարչապետը:
Նա նշել, որ պատրաստ է պատասխանել բոլոր հարցերին, որոնք կառաջանան հասարարկության և դատախազության մոտ:
Վրաստանի ՆԳՆ-ն արդեն դատախազություն է ուղարկել Մերաբիշվիլիի գործով համապատասխան նյութերը: ՆԳՆ մամլո ծառայության ղեկավար Նինո Գիորգոբիանին հաղորդել է բրիֆինգում, որ խոսքը 2006-2008 թթ. նախկին վարչապետի գործողությունների մասին է:
Նա հիշեցրել է, որ 2006 թվականի մարտի 13-ին Մերաբիշվիլիի հրամանով ծառայողական պարտականություններից ժամանակավորապես հեռացվել են Սահանադրական անվտանգության դեպարտամենտի տնօրեն Դատա Ախալայան և գլխավոր տեսչության ղեկավար Վասիլի Սինոձեն: Հետաքննության ընթացքում պարզվել է, որ նրանց հեռացումը ձևական բնույթ է կրել, և երկու տարվա ընթացքում նրանք շարունակել են ղեկավարել համապատասխան կառույցները:
Ավելի վաղ դատախազության նոր ղեկավարության կողմից քրեական գործեր էին հարուցվել ՊՆ-ի և ՆԳՆ-ի մի շարք նախկին պաշտոնայների դեմ:
