Ինչպես հաղորդում է RIA-Novosti գործակալությունը, Ռուսաստանի նախագահ Դմիտրի Մեդվեդևը հրամանագիր է ստորագրել, որով պաշտոնանկ է արել ներքին գործերի նախարարության միանգամից 6 գեներալի: Նրանք պաշտոններ են զբաղեցրել ինչպես բուն համակարգում, այնպես էլ տարբեր ուսումնական հաստատություններում:
Պաշտոնանկ է արվել ծայրահեղականության դեմ պայքարի օպերատիվ ծառայողական գործունեության ապահովմավ կենտրոնի ղեկավար, գեներալ մայոր Վալդիմիր Բուլատովը (այս ստորաբաժանումը հիմնականում զբաղվում է ընդդիմության դեմ պայքարելով.– 1in.am), Հյուսիսկովկասյան տրանսպորտային վարչության ղեկավար Իգոր Ժուկովը (այս վարչության ղեկավարներին մեղադրում են Հյուսիսային Կովկասում ծայրահեղականության հետ համագործակցելու և առավել մեծ չափերի կաշառքներ ստանալու մեջ.– 1in.am), ՆԳՆ Սիբիրի իրավաբանական ինստիտուտի ղեկավար, գեներալ մայոր Նիկոլայ Միխայլովը և ՆԳՆ Տյումենի իրավաբանական ինստիտուտի ղեկավար, գեներալ մայոր Ալեքսանդր Չիսլովը: Պաշտոնանակությունների պատճառների մասին տեղեկություններ չեն հաղորդվում:
